ირაკლი ჩარკვიანი

ირაკლი ჩარკვიანი (19 ნოემბერი,1961) ქართველი მუსიკოსი,მოღვაწეობის უკანასკნელ წლებში უფრო მეტად ცნობილი იყო ზედმეტსახელით მეფე. მისი მუსიკალური მოღვაწეობა დაიწყო 1976 წელს,ჯგუფ ,,არიმთან ,, ერთად. მუსიკოსის შემდეგი ჯგუფი იყო ნაკლებად ცნობილი, ინდი ჟანრის კოლექტივი ,,ტაქსი,, რომელშიც აგრეთვე უკრავდნენ დადა დადიანი,ბიჭიკო ოსიპოვი და კახა კიკაბიძე. ალბომის (1988) გამოცემის შემდეგ მსმენელებმა დიდი ინტერესი გამოიჩინეს მათი მუსიკის მიმართ.
ირაკლის პირველი სოლო გამოჩენის მაუწყებელი იყო სიმღერა ,,war is over,,მისი პირველი სოლო-დისკი ჩაიწერა და გამოიცა 1993 წელს.(გერმანია) ეს იყო მნიშვნელოვანი სოლო-დებიუტი და დღემდე ითვლება 90-იანებში ჩაწერილი ქართულენოვანი ალტერნატიული დისკების ერთ-ერთ მთავარ ნიმუშად.
1994-95 წლებში ირაკლი მუშაობდა მუსიკაზე კინოფილმისათვის ორფეოსის სიკვდილი.
1997 წელს გამოიცა მუსიკოსის მეორე სტუდიური ალბომი ,,აფრენ,,1999 წელს გამოჩნდა სიმღერა ,,საქართველო,,.
2004 წელს გამოჩნდა ალბომი ,,სავსე,, რომელიც დაემთხვა ირაკლის შემოქმედების თაყვანისმცემელთა ახალი ტალღის გამოჩენას.ეს პერიოდი გამოირჩევა ირაკლის შემოქმედებითი აქტიურობით-შინაურ სტუდიაში იგი მუშაობდა ბევრ ახალ სიმღერაზე და ხშირად იღებდა ახალ ვიდეოკლიპებს საკუთარ სიმღერებზე. ამ პერიოდიდან მან საკუთარ ფსევდონიმად მეფე აირჩია.
2006 წელს მუსიკოსი გარდაიცვალა საკუთარ სახლში. 2007 წელს მის ხსოვნას სპეციალური ალბომი მიუძღვნეს ცნობილმა მუსიკოსებმა: ჯგუფმა ,,33-ა,, ,,მწვანე ოთახმა,, ,,ვაკის პარკმა,, ზუმბამ და სხვა. დისკს ,,ქაღალდის გემი-Tribute ,, ეწოდება.
მოგვიანებით შეგროვილ იქნა მუსიკოსის სიცოცხლეში ჩაწერილი უკანასკნელი მუსიკალური მასალა და გამოიცა მისი ბოლო სტუდიური სტუდიური ალბომი ,,ძირს მეფე,,